Məşhur aktyorun cəsədi sandıqda torpağa basdırılmış şəkildə tapıldı - Polis də ŞOKA DÜŞDÜ (FOTOLAR)

Yanvarın son həftəsi itkin düşən braziliyalı aktyor Cefferson Maçadonun cansız cəsədi yerin altında basdırılmış sandıqda tapılıb.

32gun.az xarici KİV-ə istinadən xəbər verir ki, bu hadisəyə görə ölkə polisi də təəccübünü gizlədə bilməyib. 

Hadisə ilə bağlı məlumatda qeyd edilir ki, Braziliyanın Rio-de-Janeyro şəhərində yaşayan Maçadonun qohumları sonuncu dəfə yanvarın 27-də görüşdükləri aktyorun axtarışına başlayıblar. Bu səbəbdən fevralın 9-da onun itkin düməsi barədə polisə  məlumat veriblər.

Bildirilir ki, Maçado ilə sonuncu dəfə əlaqə saxlayan onun 73 yaşlı anası Maria das Dores olub. Anası oğlu ilə sonuncu dəfə yanvarın 29-da danışdığını və oğlunun iş görüməsi üçün dostunun evində qaldığını bildirib.

Aktyorun anası yerli mediaya verdiyi açıqlamada oğlunun yazı xətaları ilə dolu olan "Telefonumu yerə saldığım üçün sənə görüntülü zəng edə bilmərəm"  mesajı alıb. O bundan sonra oğlunun vəziyyətindən şübhələnməyə başlayıb.

Həmçinin Maçadonun "bulud" parolu dəyişdirildikdən və telefonunda yer göstərmə proqramı ləğv edildikdən sonra anası daha da narahat olmağa başlayıb. 

Mayın 22-də polis fevralın 9-dan bəri axtardıqları Maçadonu Riodakı evlərdən birinin kənarındakı yarımtikilidə təxminən 2 metr yerə basdırılmış taxta sandıqda tapıb.

Evin sahibi olan qadın mənzili adını bilmədiyi, lakin Maçadonun tanıı olan birinə kirayə verdiyini söylədi. Qadın bildirib ki, keçən ay ikisini bir yerdə görüb.

Polis evi icarəyə götürən şəxsi tapmaq üçün axtarışlara başlayıb.

Ayxan