Alimlər Parkinson xəstəliyində yeni faktorun adını açıqlayıblar

Durham Universitetinin (Böyük Britaniya) alimləri müəyyən ediblər ki, təkrar beyin sarsıntıları Alzheimer və Parkinson xəstəlikləri ilə əlaqəli olan ümumi, fosforlanmış tau zülalları və beta-amiloid səviyyəsini artırır.

32gun.az bildirir ki, araşdırmanın nəticələri “International Journal of Molecular Sciences” jurnalında dərc olunub .

Araşdırmada orta hesabla yeddi il əvvəl təqaüdə çıxmış 56 keçmiş reqbi oyunçusu iştirak edib. Otuz subyektdə beşdən çox beyin sarsıntısı olub, qalan 26 subyektdə isə belə bir sarsıntı olmayıb. Alimlər könüllülərin səhhəti barədə məlumat toplayıb və onlardan beyin skan edilməsini istəyiblər.

Nəticələr göstərdi ki, təkrarlanan sarsıntılar ümumi tau və fosforlanmış tau 181 (p-tau181) zülalları kimi biomarkerlərin yüksək dəyərləri ilə əlaqələndirilir. Birinci qrupdakı iştirakçılarda da amiloid beta 42 (Aβ42), p-tau217 və p-tau231 daha yüksək səviyyədə idi, lakin bu nümunələr əhəmiyyətli deyildi. Alimlər izah ediblər ki, beyində tau zülalları və beta-amiloid yığınlarının əmələ gəlməsi Alzheimer xəstəliyi və motor neyron xəstəliklərinin (o cümlədən Parkinson xəstəliyi) səbəbi ola bilər.

Ayxan