Sumqayıtda yanaraq ölən şəxsin kimliyi məlum oldu - YENİLƏNİB

Sumqayıtda səhər saatlarında müəmmalı şəkildə avtomobildə yanaraq ölən şəxsin kimliyi məlum olub.

"32gun.az"  apa-ya istinadən xəbər verir ki, ”Kia” markalı avtomobildə ölən şəxs 1986-cı il təvəllüdlü Fikrət Fikrət oğlu Həsənlidir.

Məlumat üçün qeyd edək ki, bu gün səhər saatlarında Sumqayıt şəhər Kimyaçılar qəsəbəsində “Kia” markalı 50-CT-685 dövlət qeydiyyat nişanlı avtomobil və onun içərisində olan 1 nəfər yanaraq külə dönüb.

Faktla bağlı Sumqayıt şəhər Prokurorluğunda araşdırma aparılır.

XXX

10:10

Sumqayıt şəhərində "Kia" markalı minik avtomobilinin mühərrik hissəsi və salonu yanıb.

Fövqəladə Hallar Nazirliyindən "32gun.az"a verilən xəbərə görə, yanğın yerinin kəşfiyyatı zamanı 1 nəfərin yanmış meyiti yanğınsöndürənlər tərəfindən aşkar edilərək aidiyyəti üzrə təhvil verilib.

Avtomobilin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.

*** 08:50

Sumqayıtda avtomobildə naməlum şəxsin yanmış meyiti tapılıb. 

"32gun.az" xəbər verir ki, hadisə şəhərin İnşaatçılar qəsəbəsində qeydə alınıb.

"KIA" markalı maşında yanaraq ölən şəxsin kimliyi dəqiqləşdirilir.  

Faktla bağlı araşdırma aparılır.