Slovakiya səfirinin Cəbrayıl və Zəngilan səfəri: Bərpa işləri və Azərbaycan qonaqpərvərliyi

Bildiyiniz kimi, Slovakiyanın Azərbaycandakı səfiri Elçin Qasımov Cəbrayıl və Zəngilan rayonlarına səfəri barədə "X" sosial şəbəkədə təəssüratlarını bölüşüb. O, səfəri maarifləndirici adlandırıb, iştirakçıların regional inkişaf, bərpa layihələri və mövcud vəziyyət barədə dəyərli məlumatlar əldə etdiyini qeyd edib və səmimi qonaqpərvərlik üçün təşəkkürünü çatdırıb. Səfirin sözlərinə görə, bu səfər həm maarifləndirici xarakter daşıyır, həm də Azərbaycanın uğurlu bərpa və inkişaf layihələrini birbaşa görmək imkanı yaratmışdır. Azərbaycan tərəfinin qonaqpərvərliyi və səmimi qarşılaması səfər iştirakçıları tərəfindən yüksək qiymətləndirilib.

Əlbəttə bu da  Cəbrayıl və Zəngilan rayonlarında 30 illik dağıntıların aradan qaldırılması və torpaqların yenidən qurulması istiqamətində görülən işlər Azərbaycanın gücünü və qətiyyətini göstərir.  Bu inkişafı həm dost ölkələr, həm də əməkdaşlıq etdiyi tərəfdaşlar diqqətlə izləyir və yüksək qiymətləndirir. 

Azərbaycan Prezidenti İlham Əliyev Slovakiyanın yeni seçilmiş Prezidenti Peter Pelleqriniyə təbrik məktubunda qeyd etmişdi:

"Slovakiya ilə dostluq əlaqələrimizin inkişafı bizim üçün böyük önəm kəsb edir. Hazırda Azərbaycan-Slovakiya əməkdaşlığının müxtəlif sahələrdə yeni məzmunla zənginləşdirilməsi üçün yaxşı imkanlar mövcuddur. Keçən ildən ölkəmizin Bratislavada fəaliyyətə başlamış Səfirliyinin ikitərəfli münasibətlərimizin genişləndirilməsinə töhfə verəcəyinə inanıram.

Əminəm ki, xalqlarımızın mənafelərinə uyğun olaraq dövlətlərarası əlaqələrimizin daha da möhkəmləndirilməsi, əməkdaşlığımızın dərinləşdirilməsi istiqamətində birgə səylər göstərəcəyik"

 “Azərbaycanın milli maraqlara əsaslanan çoxvektorlu xarici siyasəti və regional ilə qlobal əməkdaşlığa verdiyi davamlı töhfələr ölkəmizin beynəlxalq nüfuzunu artırıb. Bu səmərəli multiregional siyasətin nəticəsidir ki, dünyada respublikamızla əlaqələrini genişləndirmək istəyən ölkələrin sayı getdikcə çoxalır.

Azərbaycan ədalət və beynəlxalq hüquq prinsiplərinə, eləcə də qarşılıqlı etimadın qorunmasına əsaslanan siyasəti ilə həm ənənəvi tərəfdaşlarla əlaqələrini gücləndirir, həm də yeni dostluq münasibətləri qurur.

Səfir Qasımovun səfəri Azərbaycanın qonaqpərvərliyini və regionda aparılan bərpa işlərinin əhəmiyyətini bir daha göstərir. Bu səfər həm ölkənin uğurlu layihələrini təqdim edir, həm də beynəlxalq aləmdə Azərbaycanı sabitlik və əməkdaşlıq nümunəsi kimi ön plana çıxarır.

Beləliklə, Cəbrayıl və Zəngilan rayonlarına səfər həm tarixi torpaqlarda aparılan bərpa işlərini, həm də Azərbaycanın beynəlxalq əlaqələrini nümayiş etdirir. Səfirin təəssüratları ölkəmizin uğurlu layihələrini və qonaqpərvərliyini dünyaya çatdırır. Azərbaycan həm tarixi torpaqlarını yenidən qurur, həm də etibarlı və sülhsevər tərəfdaş kimi fəaliyyət göstərir.

Aygün İlqarqızı / 32gun.az  Xəbər Portalının baş redaktoru