Azərbaycanın idman tarixində ilk

Azərbaycan Olimpiya Oyunlarındakı oxçuluq yarışına ilk idmançısını göndərib.

"32gun.az" xəbər verir ki, Yaylagül Ramazanova, oyunlarda hamilə halıyla yarışıb.

Yaylagül birinci turda məşhur çinli rəqibi An Qixuanaya qalib gələrək 2-ci tura yüksəlib. Bu qələbə idman ekspertləri üçün gözlənilməz olub. İdmançımız ikinci turda almaniyalı Mişel Kroppenə 2:6 hesabıyla məğlub olub və Olimpiadadakı çıxışını tamamlayıb.

Qeyd edək ki, Yaylagul Ramazanova 7 aylıq hamilə olduğu halda ölkəsi adına çıxış edib.  34 yaşlı Ramazanova Olimpiadalar tarixində mərhələ adlayan ilk oxatanımız olub.