Amerikan şirkəti Coca-Cola Böyük Britaniyada fəaliyyət göstərən ən iri kafe şəbəkəsi Costa Coffee-ni satmağı planlaşdırır. Şirkət bu şəbəkəni 2018-ci ildə 5 milyard dollardan çox məbləğə almışdı.
32gun.az bildirir ki, məlumatı Sky News yayıb.
Həmin materiala görə, yeddi il əvvəl Coca-Cola bu aktiv vasitəsilə biznesini şirin qazlı içkilərə olan asılılığını azaltmaq istəyirdi. İndi isə, mənbələr bildirir ki, Amerika şirkəti potensial alıcılarla ilkin danışıqlar aparıb. Sözləşmə payızda bağlana bilər, lakin Coca-Cola fikrini dəyişə də bilər.
Hazırda Costa Coffee-nin Böyük Britaniyada 2 mindən çox, dünya üzrə isə 3 mindən artıq satış nöqtəsi var. Şirkətin əməkdaşlarının sayı təxminən 35 min nəfərdir. Analitiklər hesab edirlər ki, kafe şəbəkəsinin satışı Coca-Cola üçün zərərlə nəticələnə bilər. Ekspertlərdən biri Costa Coffee-nin Böyük Britaniyadakı dəyərini 2,7 milyard dollar qiymətləndirib.
Qeyd edək ki, ötən ilin yanvarında Coca-Cola bir neçə Avropa ölkəsində məhsullarını geri çağırmışdı. Bu addım içkilərdə xloratların yüksək miqdarda olması səbəbindən atılmışdı. Problem Belçikanın Gent şəhərində aparılan keyfiyyət yoxlaması zamanı aşkarlanmışdı.
Ayaz
.jpg)
.jpg)
.jpg)
.jpg)