Sabirabadda paylı mülkiyyətlə bağlı iddia rədd edildi – kompensasiya tələb olunmadığı üçün fərdi evdən çıxarış mümkün olmadı

Sabirabad Rayon Məhkəməsi paylı mülkiyyətlə bağlı müraciət üzrə iddianı təmin etməyib. İddiaçı cavabdehin payına düşən hissəyə 3600 manat kompensasiya verilməsi və fərdi yaşayış evindən çıxarılması tələb etsə də, məhkəmə qərara alıb ki, belə tələblər mülkiyyət hüququna birbaşa müdaxilə sayılır və qanunla nəzərdə tutulmuş mərhələli prosedur gözlənilməlidir.

32gun.az xəbər verir ki, qətnaməyə əsasən, paylı mülkiyyətdə əmlakın bölünməsi və ya payın ayrılması üç mərhələdə həyata keçirilir: əvvəlcə payın naturada ayrılması, mümkün olmadıqda kompensasiya ödənilməsi, ən sonda isə əmlakın açıq hərracla satılması. Məhkəmə hesab edib ki, iddiaçı kompensasiyanın ödənilməsini tələb etmədiyindən, cavabdehin fərdi evdəki istifadə hüququna xitam verilməsi və məcburi çıxarılması əsaslı deyil.

Ödənilmiş dövlət rüsumu isə iddiaçıya qaytarılacaq. Qərardan narazı tərəflər 1 ay ərzində Şirvan Apelyasiya Məhkəməsinə şikayət verə bilərlər. Məhkəmə həmçinin vurğulayıb ki, paylı mülkiyyətçilər arasında razılıq əldə olunmadıqda, hüquqi mexanizmlər mərhələli şəkildə tətbiq edilməlidir və mülkiyyət hüququna müdaxilə yalnız qanuni çərçivədə mümkündür.

Ayaz