"Rok-n-Roll kraliçası" dünyasını dəyişdi

ABŞ əsilli məşhur müğənni, "Rok-n-Roll kraliçası" kimi tanınan Tina Törner vəfat edib.

32gun.az xarici KİV-ə istinadən bildirir ki,  güclü və bənzərsiz səsi ilə musiqi aləmində xüsusi yer tutan sənətçi sonradan vətəndaşlığını aldığı  İsveçrənin Sürix şəhərindəki evində dünyasını dəyişib. 

Bildirilir ki, 83 yaşlı Tina Törner uzun müddə imiş xəstəlikdən əziyyət çəkirmiş. 

Tina Törner peşəkar həyatı boyu hit parçaları ilə dövrün ən davamlı qadın sənətçilərindən biri olub, musiqi dünyasına gətirdiyi bənzərsiz əsərləri ilə adından söz etdirib. 

1939-cu ildə anadan olan müğənni güclü səsi və üslubu ilə "Rok-n-Roll kraliçası" adlandırılıb, mahnı yazması, rəqsləri və aktrisalığı ilə adından söz etdirib.

1950-ci illərin sonunda musiqi dünyasına qədəm qoyan Tina Törner  2009-cu ilə qədər səhnə həyatını davam etdirib, başda "Grammy" olmaqla bir çox mükafatların sahibidir. Eləcə də albomları dünya səviyyəsində 100 milyon nüsxədən çox satılıb. 

Ayxan