Nostalji Həvəskarlarını Keçmişə Aparan Görüntü: 1985-ci İl

Sosial şəbəkələrdə paylaşılan və 1985-ci ilin Yeni il gecəsinə aid olan arxiv görüntüləri izləyicilər tərəfindən böyük maraq və sevgi ilə qarşılanıb.

32gun.az bildirir ki Azərbaycan televiziyasının unudulmaz kadrlarını əks etdirən bu videoda o dövrün incə zövqlü geyim tərzi və səmimi ab-havası dərhal diqqət çəkir. Ekranda görünən "Təqvimdə son yarpaq, ilin son axşamı" misraları isə izləyiciləri sanki zaman maşınına mindirərək uşaqlıq illərinin o qayğısız və huzurlu bayram günlərinə qaytarıb.

​Paylaşılan bu kadrlar qısa müddət ərzində minlərlə rəy alaraq insanların ən xoş xatirələrini canlandırıb. İzləyicilər şərhlərdə o illərdəki bayram süfrələrinin səmimiyyətindən, aparıcıların yüksək danışıq mədəniyyətindən və ekran qarşısında toplanan ailələrin sevincindən bəhs ediblər. Hər kəs bir ağızdan həmin dövrlərdəki sadəliyin və səmimiyyətin əvəzsiz olduğunu vurğulayaraq bu nostalji videonun onlara unudulmaz anlar yaşatdığını qeyd edib. Bu kiçik video çarx bir daha göstərdi ki, illər keçsə də, Azərbaycan televiziyasının qızıl arxivinə olan maraq heç vaxt azalmır.

Nilay