Mbappenin "Avro-2024"dəki uğursuz çıxışının səbəbləri məlum olub

Rusiya millisinin sabiq yarımmüdafiəçisi Aleksandr Səmədov Fransa millisinin futbolçusu Kilian Mbappenin AVRO-2024-də özünə inamı olmadığını iddia edib.

32gun.az bildirir ki, Sport Day by Day xəbər verib. 

“Mbappenin qərar verməli olduğu son hissədə ondan daha çox şey gözləməliydik. Dünənki kimi İspaniya ilə matçda bir an var idi. Fərqli vəziyyətdə qərar verərdim”, - deyə Səmədov bildirib.

Mbappe Avro-2024-də penaltini dəqiq yerinə yetirərək bir qol vurub.

Fransa avronun yarımfinalında İspaniyaya uduzub. Görüş 1:2 hesabı ilə başa çatıb. Matçın 9-cu dəqiqəsində fransalı Randal Kolo Muanis Mbappenin ötürməsi ilə hesabı açıb. 11 dəqiqə sonra Lamin Yamal hesabı bərabərləşdirib, 4 dəqiqə sonra Dani Olmo İspaniyanı hesabda irəli çıxarıb.

İkinci yarımfinalda İngiltərə və Hollandiya milliləri qarşılaşacaq. Qarşılaşma iyulun 10-da baş tutacaq, start fiti Moskva vaxtı ilə saat 22:00-da çalınacaq.

Ayxan