Azərbaycan vətəndaşından Türkiyədə qan donduran ƏMƏL: Maşınla "stoyanşik"in üzərindən keçdi

Türkiyənin Esenyurt bölgəsində azərbaycanlı T.M qan donduran hadisə törədib.

32gun.az bildirir ki , Azərbaycan vətəndaşı T.M. ilə dayanacaq nəzarətçisi  ("stoyanşik") İbrahim G pul üstündə mübahisə edib.

Mübahisə böyüyüb davaya çevrilib.

Daha sonra T.M avtomobili ilə dayanacaq işçisi İbrahim G.-nin üzərinə keçib.  Parkinq işçisinin qanlar içində yerə yıxıldıöını görən ətrafdakı vətəndaşlar sürücünü döyüblər.

Hadisə ilə bağlı polisə və təcili yardıma məlumat verilib. Səhiyə işçiləri isə ağır yaralanan dayanacaq nəzarətçisi İbrahim G.-ni xəstəxanaya aparıb.

Xəstəxanaya aparılan İbrahim G.-ni bütün müdaxilələrə baxmayaraq xilas etmək mümkün olmayıb.

Sürücü T.M hadisə yerində polis tərəfindən saxlanılıb. Həmin şəxs polis bölməsində aparılan prosedurlardan sonra məhkəməyə çıxarılıb. Məhkəmə Azərbaycan vətəndaşı T.M barəsində həbs qərarı verib.

Ayxan