Alimlərdən İNANILMAZ KƏŞF! Heyvanların kədər hissləri haqqında

London Universitetinin antropoloqları müəyyən ediblər ki, makaka anaları körpələrini itirdikdən sonra qısa müddətli narahatçılıq keçirirlər, lakin insanlarda xarakterik olan uzunmüddətli kədər əlamətlərini göstərmirlər.

32gun.az bildirir ki, Araşdırmanın nəticələri  Biology Letters (BioLetts) jurnalında dərc olunub.

Komanda Puerto Rikonun Kayo Santyaqo adasındakı Karib Primatları Araşdırma Mərkəzində 22 dişi makaka müşahidə edib  . Onların yarısı balalarını itirib, qalan 11-nin isə sağ qalan körpələri var.

Tədqiqatçılar müəyyən ediblər ki, balasını itirdikdən sonra ilk iki həftə ərzində dişilər daha az dincəlib, lakin digər sahələrdə aktivliklərini azaltmayıblar. Bundan əlavə, onlar letarji və ya iştahsızlıq kimi "insan" kədər əlamətlərini göstərmirdilər.

"Biz makakaların kədərli insanlar kimi daha çox dincəlməsini gözləyirdik. Amma onlar, əksinə, daha narahat oldular - bu, itkin uşağı axtarmaq üçün yəqin ki, təkamül mexanizmidir", - kəşfin müəllifləri qeyd ediblər.

Tədqiqat müxtəlif növlərin itki ilə necə mübarizə apardığını anlamamıza kömək edir. Nəticələr ev heyvanlarının davranışlarının antropomorfik şərhlərinə etiraz edib.