Putin təcrid OLUNUR - ŞOK İDDİALAR

ABŞ kəşfiyyatının Rusiyaya aid əldə etdiyi gizli sənədlər ifşa olunub.

32gun.az xəbər verir ki, bununla bağlı məlumatları ABŞ-ın Newsweek jurnalı dərc edib.

Mətbuatda yayılan xəbərlərə görə, Putinin aprel ayında xərçəng xəstəliyindən müalicə olunduğu iddia edilib. Eyni mənbələrdən əldə edilən digər məlumata görə, mart ayında Putinə qarşı sui-qəsdin olduğu təsdiqlənib.

Putinin xarici liderlərlə az əlaqədə olması fərziyyələrin doğruluq səviyyəsini artırıb.

"İşlər Rusiya üçün yaxşı görünmür" - deyə, məlumat verən mənbə rus qoşunlarının Donbass bölgəsində irəliləməsinə baxmayaraq, hər şeyin dayandığını bildirib.

"Rusiya gücləndiriciləri gələndə belə, onlar 600-700 əsgərdən ibarət hissə-hissə, qərargahları ilə çox az və ya heç bir real əlaqəsi olmayan və döyüş ruhu az olan qəribə qruplarla gəlirlər" - deyə, qeyd edib.

Pentaqon rəsmisi isə belə açıqlama verib:

"Mən nüvə silahları haqqında danışmağa tərəddüd edirəm, lakin Putin şübhəsiz ki, vəziyyəti gərginləşdirməyə çalışa bilər, çünki onun seçimi çox azdır". 

Qeyd edək ki, Qərb dövlətləri tərəfindən uzun müddətdir irəli sürülən bu iddialar ötən həftələrdə Rusiyanın xarici işlər naziri Lavrov tərəfindən qəti şəkildə təkzib edilib. Rusiya xəbər agentliyi TASS-ın məlumatına görə, Lavrov, "Prezident Putin müntəzəm olaraq hər gün tədbirlərə qatılır. Onu televiziyada görə bilərsiniz, xəbərlərini oxuya və çıxışlarını dinləyə bilərsiniz. Düşünürəm ki, heç bir ağlı başında olan adam bu şəxsin sağlamlığına şübhə etməz" - deyə, vurğulayıb.

Nurlan Şiraliyev