Avropa İttifaqı Suriyaya qarşı bütün iqtisadi sanksiyaları ləğv etdi

Avropa İttifaqı Suriya xalqına ölkənin yenidən qurulmasına kömək etmək üçün Suriyaya qarşı bütün iqtisadi sanksiyaları ləğv edir.

32gun.az bildirir ki, Aİ diplomatiyasının rəhbəri Kaja Kallas bu barədə X.-də yazıb. 

Onun sözlərinə görə, Avropa İttifaqı Dəməşqə dəstəyi davam etdirməyi planlaşdırır .

Daha əvvəl Kallas bildirmişdi ki, Aİ xarici işlər nazirləri Suriyaya qarşı sanksiyaları ləğv etməyi düşünürlər.

Mart ayında Kallas Aİ-nin Suriyanın yeni hakimiyyət orqanları ilə əməkdaşlığa hazır olduğunu bildirib və keçid hökumətinin yaradılmasını təsdiqləyib.

Martın 30-da Suriyanın müvəqqəti prezidenti Əhməd əl-Şaraa Nazirlər Kabinetinin formalaşması münasibətilə respublika xalqını təbrik edib . Onun tərkibinə 22 nazir daxildir. Əvvəlki kabinetin tərkibində olan Xarici İşlər, Daxili İşlər və Müdafiə nazirliklərinin rəhbərləri öz vəzifələrini qoruyacaqlar. Əl-Şaraa, 13 mart konstitusiya bəyannaməsinə görə, icra hakimiyyətini öz əlində cəmləyərək hökumətin işini koordinasiya edəcək.

Ayxan