Amerikalı startap PIN Kickstarter-də rekord qısa zamanda maliyyələşdirildi
Kaliforniya Universiteti, Berkli məzunu Sudeshna Naik tərəfindən qurulan amerikalı startap PIN, Kickstarter platformasında başladığı kütləvi maliyyələşdirməni yalnız iki saat ərzində uğurla bağlayıb. Bir həftə ərzində layihə demək olar ki, 500 investoru cəlb edib.
32gun.az xəbər verir ki, New Atlas xəbər verib.
PIN qulaqlıqları özəl dizaynı və texnologiyaları ilə diqqət çəkir: cihazlar əl istehsalı olaraq təbii ağacdan – qoz, albalı və bambukdan hazırlanır, bu da hər cüt qulaqlığı unikal edir. Quruluş əlavə olaraq nəm müqavimətli örtüklə təchiz olunub, bu da davamlılığı artırır.
Qulaqlıqlar AAC kodek dəstəyi, Dual-ENC texnologiyası ilə aktiv səs-küyün ləğvi, sensor idarəsi, 8 saatlıq avtonom iş və doldurma qutusu ilə 32 saata qədər istifadə imkanı təqdim edir. Sürətli doldurma ilə 15 dəqiqədə 3 saat dinləmə mümkündür.
Startap süni intellekt funksiyalarına da diqqət yetirib: 150-dən çox dildə real vaxt tərcüməsi, daxili virtual köməkçi, yuxu keyfiyyətini artırmaq üçün alətlər. Mobil tətbiq vasitəsilə ekvalayzer tənzimləməsi və cihazın yerinin izlənməsi mümkündür.
Qulaqlıqlar endirimli qiymətlə 134 dollardan satışa çıxarılıb. Premium versiya 399 dollara şəxsi qravirovka imkanını da əhatə edir. PIN hər 10 satılan cihaz üçün bir ağac əkəcəyini açıqlayıb; hazırda 78 ağac əkilib. Çatdırılmaların 2025-ci ilin oktyabrında başlaması planlaşdırılır.
Nilay
.jpg)
.jpg)
