Səhər yeməyində şirin çay- hər gün içmək təhlükəlidirmi?

Səhər yeməyi zamanı şirin çay içmək bir çox ailənin vərdişidir, amma mütəxəssislər bunun miqdarına ciddi diqqət yetirməyi tövsiyə edir. Araşdırmalar göstərir ki, şəkərin həddindən artıq qəbulu uzun müddətdə piylənmə, diabet və diş problemlərinə səbəb ola bilər.

32gun.az bu barədə araşdırma aparıb:

Yaş qruplarına görə tövsiyələr:

Səhər yeməyində şirin çay içmək bir çox insanın vərdişidir. Həddindən artıq şəkər qəbulu piylənmə, diabet və diş problemləri riskini artırır. Uşaqlar (6-12 yaş) gündə 1 kiçik qaşıq şəkərdən çox qəbul etməməlidir, yeniyetmələr (13-18 yaş) gündə 2 kiçik qaşıq şəkər qəbul edə bilər, böyüklər (18+ yaş) isə səhər çayına 2-3 kiçik qaşıq şəkər əlavə edə bilərlər.

Diyetoloq Nərmin Hüseynova bildirir ki, “Səhər çayı insanın metabolizminin işə düşdüyü ilk saatlarda enerji təminatı üçün faydalıdır, amma şəkərin miqdarı vacibdir. Həftədə 4-5 gün şirin çay içmək hələ sağlamlıq üçün qəbulediləndir, amma hər gün və həddindən artıq şəkər qəbul etmək uzun müddətdə piylənmə və şəkər xəstəliyi riskini əhəmiyyətli dərəcədə artırır. Uşaqlar və yeniyetmələr üçün şəkər istehlakı daha kritikdir, çünki onların orqanizmi hələ inkişaf mərhələsindədir. Əgər şirin çayı təbii tatlandırıcılarla əvəz etmək mümkündürsə, bu həm diş sağlamlığı, həm də ümumi metabolik balans üçün faydalıdır. Həmçinin şəkərli içkilərin digər qida ilə birlikdə qəbulu gün ərzində əlavə kalori yığılmasına səbəb ola bilər.”

Uşaqlar və yeniyetmələr şəkər qəbulunu diqqətlə izləməlidir, həddində şirin çay zərərsizdir, amma hər gün və artıq şəkər sağlamlıq risklərini artırır.

 Nilay